"Челси" бош мураббийи Жозе Моуриньо Англия кубоги чорак финалида "Сандерленд"дан учралган мағлубиятга қуйидагича изоҳ беради.

"Жамоа биз хоҳлагандек ўйнаяпти, ривожланяпти. Аммо ўйинларни ютиш учун кўпроқ гол ўриш, барчасини олдиндан ҳал қилиб қўйиш керак.

Албатта, кўпроқ ҳимояга эътибор бериб, ёпиқ футбол кўрсатишимиз ва кичик ҳисобдаги ғалабага умид қилишимиз ҳам мумкин эди, аммо бу менга тўғри келмайди.

Кўрсатган футболимиз сифатида келсак, биз тўғри йўлдан кетяпмиз. Шундай экан, биздан энг яхши натижаларни кутишаётгани учунгина ҳозир яна орқага қадам ташлаш ниятим йўқ.

Балки, турнирни жуда эрта тарк этгач, у қадар ҳам муҳим бўлиб туюлмас. Ҳаво совуқ, ярим тўла стадион, узоқ йўл... Аммо финалга етиб бориб, унинг аҳамиятини ҳис қиласан, ғалаба қозонгинг келади...

Футболчилар бизнинг ушбу турнирга муносабатимизни тўғри тушунишди ва яхши шижоат билан тўп суришди. Улар мен иложи борича узоқроққа боришни, Швацер ва де Брюйне кабиларга ҳам ўйнаш имкониятини беришни истаётганимни билардилар. Афсуски, улар энди яримфинал ва финалда ўйнаш олишмайди", - деди Моуриньо.