"Ливерпуль" ҳужумчиси Луис Суареснинг бундай сермаҳсул ўйинларидан сўнг у билан шартномани узайтириш ҳақида жиддий ўйлай бошлаган жамоа бош мураббийи Брендан Рожерс The Liverpool Echo мухбири билан шу хусусда суҳбатда бўлди.
"Суареснинг клуб билан шартномани узайтиришига тўлиқ ишонаман. У билан ўйинини қандай ўстириб бориши ҳақида гаплашиб оламиз. Чунки у янада яхшироқ ўйнай олади. Бунга асло шубҳам йўқ. Ўйлайманки, Суарес "Ливерпуль"да ўйинчи сифатида қай даражада шаклланиб бораётганини яхши тушунади.
Суаресни ушлаб қолишни истаймиз. Узоқ йиллар мобайнида ўйинимизни унинг атрофига қурамиз.
"Тоттенхэм" Бэйлнинг ўрнини тўлдира олмаяпти. Бу айнан олинган футболчиларнинг ўрнини 8, 9 ёки 10 янги ўйинчи билан ҳам тўлдириб бўлмаслигининг исботидир.
Яхши ўйинчилар кўп, аммо ўз даражасини ҳар ҳафта билдириб турадиган бундай футболчини деярли топа олмайсиз", - деди Рожерс.