«Арсенал» устози Арсен Венгер Андре Виллаш-Боашнинг «Тоттенҳэм»дан кетгани ҳақида фикр билдирди.

«Масалага математик жиҳатдан ёндашадиган бўлсам, Андренинг кетганидан ажабландим. Чунки у клуб тарихида фоиз жиҳатдан энг кўп ғалаба қозонган мураббий бўлди.

Унга вақт бериш керак эди. Эсингиздами, мавсум бошида учтадан ортиқ янги футболчи сотиб олиш таваккал деганимда ҳамма кулганди. Лекин бу ҳақиқат. «Арсенал» ва «Тоттенҳэм»нинг фалсафаси турлича.

Мен «Арсенал» мураббийиман. Улар ўз муаммосини ўзлари ҳал қила олишади. Менинг ўз жамоам бор»,- дейди мураббий.