Италиянинг Виарежжо шаҳрида анъанавий тарзда ўтказиб келинадиган "Карнавал кубоги" ("Коппа Карнавале") мусобақасида бу сафар 36 жамоа иштирок этадиган бўлди (аввалги йилларда 48та жамоа иштирок этарди). Унда 20 та Италия жамоалари ва 16та хориж клубларидан қатнашишади. 

Мусобақа ташкилотчилари қарорига кўра, Италиянинг "Фиорентина", "Ювентус", "Милан" ва "Интер" клублари мусобақага плей-офф босқичидан қўшилишади. Бунда клуб футболчилари олдида мусобақалар кўплиги инобатга олинди.

Регламентга муфовиқ, мусобақада 1995 йил 1 январдан кейин туғилган футболчилар ва яна 4 нафар 1995 йилда туғилган футболчи иштирок этиши мумкин. Турнир 1-17 февраль кунлари оралиғида ўтказилади. Унга қуръа ташлаш маросими эса 3 январь кунига режалаштирилган.

Хабарингиз бор, ушбу турнирда "Пахтакор" тарбияланувчилари ҳам иштирок этишади. Пахтакорчилар Осиё ва МДҲ минтақасидан ягона вакил ҳисобланади.

Мусобақада иштирок этадиган жамоалар билан танишинг:
Италия жамоалари: "Аталанта", "Верона", "Лацио", "Ливорно", "Наполи", "Парма", "Рома ", "Сампдория", "Торино", "Эмполи", "Палермо", Реджина", "Сиена", "Специя", "Варезе", "D серия терма жамоаси; "Фиорентина", "Ювентус", "Милан", "Интер".
Бошқа жамоалар: "Бенфика" (Португалия), "Андерлехт" (Бельгия), "Риека" (Хорватия), "Стабек" (Норвегия), "Нордшелланд" (Дания), "ПСВ Эйндховен" (Голландия), "Беласика Струмика" (Македония), "Пахтакор" (Ўзбекистон), "Апиа Лейхардт" (Австралия), "Лиак Нью-Йорк" (США), "Сантос Лагуна" (Мексика), "Гуарани" (Парагвай), "Насьонал" (Парагвай), "Энвигадо" (Колумбия) , Деспортиво" (Бразилия), Конго (U17) .