Эрон терма жамоасининг португалиялик бош мураббийи Карлос Кейруш "Реал" ҳужумчиси Криштиану Роналду шаънига илиқ фикрлар билдирди.
"Роналду - мен ҳаётимда мураббийлик қилган ҳамма томонлама мукаммал бўлган ўйинчи. У ҳам техник, ҳам физик, ҳам тактик жиҳатдан устаси фаранг.
Бир марта, "МЮ"да ишлаб юрган вақтларим, Роналду футболдаги Майкл Жордан бўлишини айтгандим. Охирги икки йилда Криштиану анча кучайди, аммо у аввал ҳам шундай кучли эди. Ёшлигидан тезлиги ва боши билан ўйнаш қобилиятига эга эди. Иккала оёқда ўйнай олиш, стандарт вазиятлар, алдаб ўтиш, тўп узатиш бўйича ҳам у буюк ўйинчи!", - дейди Кейруш.