"ПСЖ" бош мураббийи Лоран Блан клуб тез орада баъзи ўйинчиларини сотиб юбориши ҳақидаги хабарларга изоҳ берди.
"Таркибимизда катта ўзгаришлар бўлмайди. Ҳозирги ўйинчиларимдан кўнглим тўқ. Тўғри, баъзи ўйинчилар жамоамизни тарк этишади.
Кабай дейсизми? У ажойиб футболчи. Бундан ортиқ ҳеч нарса дея олмайман", - деди Блан.
Қайд этиш керак, ёзги трансферлар вақтида парижликлар ушбу футболчини харид қилишга уриниб кўришганди.
Жорий мавсумда франциялик яримҳимоячи 16 ўйинда майдонга тушиб, 5та гол муаллифи бўлди. Шунингдек, унинг ҳисобида 3та голли пас ҳам бор.
