Бугун янги йилдаги илк хорижий йиғинни ўтказиш учун “Насаф” ФК делегацияси Тошкент халқаро аэропортидан Туркияга жўнаб кетди.

Тошкент-Истанбул-Анталия авиайўналиши орқали футболчилари белгиланган манзилга етиб боришади ва эртадан бошлаб икки ҳафталик ўқув-йиғин машғулотларини бошлашади.

Туркия йиғини давомида “аждарлар” 7 та назорат учрашувида майдонга чиқишлари режалаштирилган. Уларнинг илк рақиби Албаниянинг “Кукес” жамоаси бўлади. Ушбу ўйин 13 январь куни ўтказилади. Шунингдек, Анталияда “Шахтёр” (Қарағанда), “Спартак-Нальчик” (Россия), “Ворскла” (Украина), “Поханг Стилерз” (Ж.Корея), “Карпати” (Украина) жамоалари билан назорат учрашувлари ўтказилади. Футболчиларимиз 26 январь куни юртимизга қайтиб келишади.

Туркия йиғинига бош мураббий қуйидаги футболчиларни жалб этди:
Дарвозабонлар - Элдорбек Суюнов, Михаил Наумов, Алибек Туробов, Ўткир Юсупов.
Ҳимоячилар – Ботир Қораев, Ҳамза Каримов, Шерзод Аъзамов, Мақсуд Каримов, Алишер Юсупов, Лазиз Убайдуллаев, Одилжон Ҳамробеков, Шуҳрат Муҳаммадиев, Мирзамурод Жўрабоев.
Ярим ҳимоячилар – Илҳом Юнусов, Артур Геворкян, Эркин Бойдуллаев, Фарруҳ Сайфиев, Улуғбек Дадабоев, Нажмиддин Нормуродов, Обид Мамотов, Дониёр Нарзуллаев.
Ҳужумчилар – Азамат Алланиязов, Кенжа Тўраев, Илҳом Шомуродов, Игорь Таран.