Иордания ёшлар терма жамоаси сафига икки футболчи келиб қўшилган бўлиб, улар жамоани кучайтириши табиий. Одай Заҳрон ва Тариқ Ҳаттаб сешанба куни Ғарбий Осиё Футбол Федерацияси чемпионати финалида майдонга тушиб, Қатарга имкониятни бой беришганди.

Аммо жамоада бир йўқотиш ҳам бор. Бош мураббий Ислом Ал-Диабатнинг маълум қилишича, ҳимоячи Иброҳим Далдум Кореяга қарши майдонга туша олмайди.

"Яхши тайёрланиб келдик, шу боис исталган жамоа билан ўйнашга тайёрмиз. Гуруҳимиздаги барча жамоаларнинг ўйинлари туширилган тасвирларга эга эдик. Мана энди майдонга тушиб, истеъдодимизни намойиш этишга тайёрмиз. Бу мусобақа учун бир ярим йилдан буён тайёргарлик кўриб келяпмиз.

Мусобақада ғалаба қозонсак жуда яхши иш бўларди. Бу футболчилардаги иштиёқни оширади. Федерациямиз ишлаб чиққан стратегия асосида ишлаймиз. Бу ўйинчиларимизнинг келажаги учун яхши бўлади", дея таъкидлади Ал-Диабат.