Футзал бўйича ҳаваскорлар ўртасидаги Тошкент шаҳар очиқ чемпионати 5-турида мусобақа етакчилари – «Eriell» ва «DHL» ўзаро тўқнаш келишди.
12 январь куни Тошкентдаги «Ўзбекистон» спорт мажмуасида футзал бўйича ҳаваскорлар ўртасидаги Тошкент шаҳар очиқ чемпионати 5-тур учрашувлари бўлиб ўтди. Куннинг марказий учрашувида мусобақа етакчилари – «Eriel» ва «DHL» ўзаро тўқнаш келди. Ҳар иккала жамоа ҳам бунгача ўтказилган тўртта ўйинда ўз рақибларини мағлуб этиб, юз фоизлик натижани кўрсатиб келаётган эди.
Кутилганидек, етакчилар баҳси муросасиз курашлар остида кечди ва ўйин тақдирини ягона ҳал қилди. Бу голга «Eriell» вакили Вилен Ким муаллифлик қилди. Шундай қилиб, навбатдаги ғалабани қўлга киритган «Eriell» беш учрашувдан сўнг юз фоизлик натижани кўрсатиб, 15 очко билан мусобақанинг яққол пешқадамига айланиб олди.
«DHL»нинг қоқилишидан «ЎзСҚБ» жамоаси фойдаланиб қолди. «Банкирлар» «ТАТУ-Талаба» жамоасини осонлик билан мағлуб этишди – рақиб дарвозасига 10та гол урилгани ҳолда, атиги битта гол ўтказиб юборилди. Ғалаба «ЎзСҚБ»ни иккинчи ўринга олиб чиқди, «DHL» эса учинчи ўринга тушди.
Мусобақа аутсайдери – «Чоштепа» бу сафар очко ола билмади. «Чоштепа» ҳозирча мусобақада бирорта очко ишламаган ягона жамоа бўлиб турибди. 5-турда «Чоштепа» «ARCHIE-EuroAsia» жамоасига қарши яхши ҳаракат қилди, бироқ ўзи 3та гол ургани билан, ўз дарвозасидан 4та гол олиб чиқди.
| 5-тур | |
|---|---|
| 12.01.2014 | |
| Eriell - DHL | 1:0 |
| Говоряшчие руками - Узтелеком | 1:2 |
| ARCHIE-EuroAsia - Чош-Тепа | 4:3 |
| ЎзСҚБ - ТАТУ-Талаба | 10:1 |
| Насаф - ЎзДТВ | 10:0 |
| Атлант - Сергели | 5:5 |
| NTC-Khamkor - Prodigy | 1:1 |
| ТАТУ - Galaxy | 3:5 |
| Восток - СҚБ-Юнусобод | 7:3 |
| 6-тур | |
|---|---|
| 19.01.2014 | |
| DHL - СҚБ-Юнусобод | - |
| Galaxy - Восток | - |
| Prodigy - ТАТУ | - |
| Сергели - NTC-Khamkor | - |
| ЎзДТВ - Атлант | - |
| ТАТУ-Талаба - Насаф | - |
| Чош-Тепа - ЎзСҚБ | - |
| Узтелеком - ARCHIE-EuroAsia | - |
| Eriell - Говоряшчие руками | - |
