"Реал" ҳужумчиси Криштиану Роналду "Олтин тўп-2013" тақдирлаш маросимида ушбу совринга бўлган муносабатини билдирди.
"Мен бу ерда бўлиб турганимдан ва "Олтин тўп"га даъвогарлик қилаётганимдан хурсандман. Бу совринга учаламиз ҳам лойиқ эканимизга ҳеч кимда шубҳа бўлмаса керак. Агар совринга эриша олмасам ҳам ўз устимда қаттиқ ишлашни давом эттираман, "Реал"да ҳам, терма жамоамда ҳам муваффаққиятли ўйнашга ҳаракат қиламан.
Мен ўз устимда мунтазам ишлашга ўрганганман, ўз рекордларимни янгилашга интиламан. "Олтин тўп" мен учун тортдаги олча донаси кабидир, агар ютқазсам ҳам, ҳаёт тўхтаб қолмайди.
Блаттер билан зиддият? Орамизда суҳбат ўтган, аммо бир-биримизга ҳеч қандай қарама-қаршилик йўқ" , - дейди Роналду.
