Кеча Олмалиқ шаҳрида янги барпо этилган стадион ҳудудидаги сунъий қопламали майдонда "Олмалиқ" навбатдаги назорат ўйинини Муборакнинг "Машъал" жамоасига қарши ўтказди.

Учрашув 1:1 ҳисобида дуранг билан якун топди. Биринчи таймда ҳисоб очилмаган бўлса, иккинчи таймда рақибнинг қарши ҳужуми гол билан якун топди. Абдумалик Тошпўлатов кутилмаганда ўз дарвозасини ишғол этди. Ўйин якунига етиб бораётган дақиқаларда Шариф Мирзаев ҳисобни тенглаштирди.

Ўйинда мезбонлар қуйидаги таркибда майдонга тушди:

"Олмалиқ" (биринчи тайм): Мақсатмурод Шомуродов, Обид Жўрабоев, Тимур Кагиров, Дониёр Усмонов, Абдуқаҳҳор Ҳожиакбаров, Зафар Тўраев, Диёржон Туропов, Дилявер Абибуллаев, Сухроб Бердиев, Сарвар Отабоев, Шерзод Ҳакимов.

"Олмалиқ" (иккинчи тайм): Умиджон Хонимқулов, Сарварбек Жўраев, Дарко Станоевич, Марат Қудратов, Абдумалик Абдуллаев, Азамат Исроилов, Достон Абдураҳмонов, Александр Алемпиевич, Шариф Мирзаев, Санжар Шоаҳмедов, Зафар Полвонов.

Кичик жароҳати сабаб Зоҳир Пиримов ва Иқбол Акрамов бу ўйинда иштирок этмади. Александр Лупашко, Никита Шквирин, Қадамбой Нурметов, Аброр Каримов, Гай Юсупов, Улуғбек Худойбердиев ва Диёр Усмонхўжаевлар кеча ёшлар жамоаси таркибида назорат ўйинида иштирок этганлари боис бу учрашувни томошабинлар сафида кузатишди.

"Олмалиқ" ёшлар жамоасининг Чимкентнинг "Ордабаси" ўринбосарларига қарши ўйини ҳам 1:1 ҳисобида якун топган.

"Олмалиқ" аъзолари эртага куннинг биринчи ярмида машғулот ўтказгач, қисқа таътилга чиқишади.