Бугун “Насаф” ФК делегацияси Дубайдан Қатар пойтахти Доҳага етиб келди. “Боинг-737” ҳаво лайнерида бир соатлик парвоздан сўнг жамоа аъзолари  белгиланган манзилга етиб келишди. Доҳа халқаро аэропортида делегация аъзоларини “Ал Жаиш” клуби вакиллари кутиб олишди ва жамоамиз шаҳар марказидаги беш юлдузли “Hilton” меҳмонхонасига жойлашишди.

Бугун кечки пайт маҳаллий вақт билан соат 18:00 да (Тошкент вақти билан 20:00) да футболчиларимиз Доҳада илк машғулотларни ўтказишади.

Эртага ҳар иккала жамоа бош мураббийлари ва футболчилари иштирокида матбуот анжумани, менежерлар митинги ва жамоаларнинг ўйинолди расмий машғулоти бўлиб ўтади.

Азиз НУРИЙ,
Доҳа, Қатар.