"Атлетико" ва "Барселона"нинг кетидан "Реал Мадрид" ҳам Испания чемпионатининг 24-турида йирик ҳисобдаги ғалабани қўлга киритди. Мусобақа жадвалида 3та жамоа етакчилик қилишда давом этадиган бўлишди.

"Хетафе" ўз майдонида "Реал"га қарши ўйинда "чақилмас ёнғоқ" бўла олмади. Мезбонлар ҳимояга ётиб олишмади ва олдинга тез-тез ўтиб туришди. Голларни эса фақат "Қироллик клуби" вакиллари уришди.

Анчалотти шогирдлари ўзларининг илк ҳужумини голга айлантиришди: 5-дақиқада Хесе Родригес ўз ҳисобига гол ёзди. "Хетафе" тезда ўзига келиб олиб, яна олдинга интилди ва яна ўз дарвозасидан гол ўтказиб юборди: Карим Бензема дарвозабоннинг оёқлари орасидан тўпни ўтказиб, дарвозани ишғол қилди.

Иккинчи бўлимда "Реал" тўпни ўз назоратида ушлаш орқали мезбонларнинг шаштини синдиришга пайида бўлишди. Боз устига, 65-дақиқада Лука Модрич ҳисобни йирик кўринишга келтириб қўйди.

"Хетафе" кетма-кет тўққизинчи ўйиндан бери ғалаба нималигини билмаяпти. Натижада улар хавфли зонага янада яқинлашишмоқда.

Испания чемпионати, 24-тур

Хетафе – Реал Мадрид 0:3
Голлар: Хесе (5), Бензема (27), Модрич (67).
Хетафе: Мойя, Валера, Алексис, Л.Лопес, Вигарай, Борха (Ласен, 64), Х.Родригес, Леон (Сарабия, 72), Д. Кастро, Гавилан, Колунга (Лафита, 52).
Реал Мадрид: Диего Лопес, Арбелоа, Пепе, Рамос, Марсело, Алонсо, Модрич (Ильярраменди, 80), Ди Мария (Каземиро, 83), Бэйл, Бензема (Иско, 74), Хесе.
Огоҳлантиришлар: Бэйл (26), Х.Родригес (38), Алексис (51), Бензема (51), Валера (68), Модрич (75), Ди Мария (77).