"Гамбург" клуби ҳужумкор яримҳимоячиси Рафаэль ван дер Варт уч ҳафтага сафдан чиқди, дея хабар беради клуб расми сайти.
Голландиялик футболчи 15 феврал куни бўлиб ўтган "Айнтрахт"га қарши ўйиннинг 52-дақиқасида жароҳат олганди, бу ҳам етмаганидек учрашувда "Гамбург" 2:4 ҳисобида имкониятни бой берган. Эртаси куни ўтказилган тиббий кўрикдан сўнг унинг чап тўпиғида тўқималар шикастланиши аниқланган.
Германия чемпионатининг ушбу мавсумида ван дер Варт 18 учрашувда майдонга тушиб, 7та гол урган ва 5та голга ҳаммуаллифлик қилган.













