Бугун - 18 февраль куни ЎФФ Президенти ҳузуридаги мураббийлар кенгашининг навбатдаги мажлиси ўтказилади. Бу ҳақда ташкилот матбуот хизмати хабар тарқатди.

Эслатиб ўтамиз, куни кеча Федерация раҳбарияти Миржалол Қосимов қўл остидаги миллий терма жамоамизга ОК-2015 саралашида 5 март куни БАА терма жамоасини мағлуб этиш вазифасини қўйгани маълум қилинганди. Шунингдек, ўтган йилнинг охирида ўтказилган мажлисда Президент Мираброр Усмонов агар Қосимов истаса, хориждан унга ёрдамчи мураббий олиб келишлари мумкинлигини маълум қилган, аммо ҳозиргача миллий жамоамиз устозининг бу таклифга қандай жавоб қайтаргани маълум эмас.

Қайд этиш зарур, ЎФФ олдида Шуҳрат Мақсудов мураббийлигидаги Ўзбекистон U-22 терма жамоасининг жорий йилги режасини тасдиқлаш вазифаси ҳам бор.