"Манчестер Сити" бош мураббийи Мануэль Пеллегрини кеча ўз майдонида "Барселона"га имкониятни бой бергач журналистлар билан суҳбатда айтишича, бош ҳакам ўйин назоратини қўлдан чиқариб юборган. Эслатиб ўтамиз, ўйинни швед ҳаками Юнас Эрикссон бошқариб борди.

"Барселона"да пенальтига қадар голли вазиятлар бўлгани йўқ. Ҳакам, шунчаки, учрашувга тайёр эмас эди. У ўйин назоратини қўлдан чиқариб юборди. Бундай муҳим учрашувга Швециядан ҳакам тайинлаш яхши эмас, менимча. У пенальтидан олдинги вазиятда Хесус Навасга ишлатилган қўполликни кўрмай қолди. Пенальтининг ўзи ҳам хато бўлди, чунки қўполлик жарима майдони ташқарисида бўлганди.

Ҳакам бутун ўйин давомида хатоларга йўл қўйди ва шу сабаб ўйинни таҳлил этиш ҳам қийин", - дейди Пеллегрини.