Афсонавий ҳужумчи Диего Марадонанинг профессионал ўйинчи сифатида расман футболга қайтиши борасида хабарлар миш-миш бўлиб чиқди. Кеча унинг Аргентина бешинчи дивизиони вакили "Риестр" клуби сафида заявка қилиниши мумкинлиги ҳақида ёзишганди.

"Диегонинг на ўйинчи ва на мураббий сифатида жамоамизга келиш имкониятлари мутлақо йўқ. У жамоага консультант бўлиб келиши эҳтимол, аммо бу масалада ҳам ҳозирча ҳеч нарса аниқ эмас", - дейди "Риестр" клуби директори Густаво Варелу.

"Марадона бу ерда ўйнамайди. Ўзим ҳам буни истардим, аммо барибир. Бу ҳеч қандай асосга эга бўлмаган гап қаердан чиққанини билмаймиз", - дея тасдиқлади клуб вице-президенти Марсело Салорио.