"Барселона" бош мураббийи Херардо Мартино 25-турда "Реал Сосьедад"га қарши учрашувдаги тактикага оид қарори билан жамоа аъзоларини ҳайрон қолдирди, дея хабар бермоқда испан матбуоти.
Гап шундаки, аргентиналик мутахассис тўп оширишларнинг кўп бўлишини инкор қилган ҳолда, тезкор вертикал ўйин ташкил қилишга қарор қилган. Бундан ташқари, Мартино ўз шогирдларини рақибларига қарши бемалол атлетик курашга киришга тайёр деб ҳисобламоқда.
Манбада ёзилишича, каталониялик ўйинчилар ўйинда ўзгариш ясаш шарт эмас деган фикрда. Бунга улар ЕЧЛ нимчорак финали доирасида "Манчестер Сити"га қарши ўйинда эришилган ғалабани мисол қилиб келтиришмоқда.
Эслатиб ўтамиз "Барселона" басклар жамоасидан 3:1 ҳисобида енгилди.