Спорт телекананали меҳмони бўлиб турган «Андижон» бош мураббийи Азамат Абдураимов «Пахтакор»даги футболчилик фаолияти ҳақида фикр билдирди.
«1986 йилда отам «Пахтакор» бош мураббийи бўлдилар ва кейинчалик мени жамоага таклиф қилдилар. Бир умр отам каби мамлакатнинг энг яхши клубида ўйнашни орзу қилганман. Жамоага келганимдан кейин менга икки турдаги қийинчиликлар туғилди.
Аввало отамдек буюк футболчининг ўғли қандай ўйнайди экан деган саволлар уйғонди. Мендан жуда кўп нарса кутишди. Бундан ташқари мени отаси мураббий бўлгани учун келган деган гаплар мухлислар ва футболчилар орасида тарқалди. Лекин шукурки, ҳаммаси ортда қолди ва мен ўзимни кўрсата олдим»,- дейди мураббий.
