Мадриднинг "Атлетико" ва "Реал" клублари собиқ ҳужумчиси Уго Санчес навбатдаги пойтахт дербиси ҳақидаги мулоҳазалари билан ўртоқлашди.
"Дерби доим унинг атрофидаги ҳодисалар сабаб жозибадор бўлиб келган. "Атлетико" мамлакат чемпионлиги учун курашни давом эттирмоқда, лекин "Реал" ҳозир жуда ажойиб формада. Бу жамоа аъзоларида иштиёқ юқори, буни улар "Шальке-04"га қарши ўйинда ҳам намойиш этишди. Улар куч, натижа ва томошабоп футболни кўрсатиб бердилар. Ўйлашимча, "Атлетико" устози Диего Симеоне ўз тактикаси билан "Реал"ни ғафлатда қолдиришни ўйламоқда", - деди иккала жамоанинг ҳам собиқ ўйинчиси бўлган мексикалик Уго Санчес.