"Барселона", кутилганидек, ўз майдонида "Альмерия" устидан йирик ҳисобда ғалаба қозонди ва энди "Реал"дан 1 очко ортда бормоқда.

Каталонияликлар "Альмерия"га қарши ўйинда жуда катта устунликка эга бўлишди ва жуда кўплаб голли вазиятларни яратишди. Гарси ҳисоб йирик бўлса-да, Мартино шогирдларининг самарадорлигини унчалик юқори деб айта олмаймиз. Аммо вазият яратиш бўйича улар анча яхши ҳаракат қилишди.

Ўйиннинг 9-дақиқасида Алексис Санчес керакли вақтда, керакли жойда пайдо бўлди ва дарвозани ишғол қилди. 24-дақиқада эса Месси 25 метр масофадан белгиланган жарима зарбасини голга айлантирди. Орадан 3 дақиқа ўтиб меҳмонлар бурчак  тўпи орқали битта жавоб тўпини киритишди.

Иккинчи бўлимнинг сўнгги дақиқаларида Пуйоль ва Хави томонидан икки гол мезбонларнинг ғалабасини мустаҳкамлади.

Испания чемпионати, 26-тур
Барселона – Альмерия 4:1 (2:1)
Голлар: 1:0 – 9 Санчес, 2:0 – 24 Месси, 2:1 – 27 Трухильо, 3:1 – 83 Пуйоль, 4:1 – 89 Хави.
Барселона – Вальдес, Дани Алвес, Маскерано, Пуйоль, Адриано, Бускетс, Хави, Фабрегас (Иньеста, 79), Санчес (Педро, 72), Месси, Неймар (Тельо, 88).
Альмерия – Эстебан, Рафита, Трухильо, Торсильери, Дюбарбье, Азиз (Сусо, 79), Верса, Корона (Тебар, 71), А. Видаль, Родри (Барбоза, 62), Зонго.
Огоҳлантиришлар: Азиз (17), Корона (23), Адриано (25), Верса (81), Тебар (86).