Германиялик бобслейчи Мануэль Мачата бир йилга дисквалификация қилинди. Бу ҳақда SPOX хабар бермоқда.
Гап шундаки, спортчи Сочи Олимпиадаси олдидан ўз боби учун янги коньки сотиб олган, лекин олимпиада йўлланмасини қўлга кирита олмагач, конькисини Александр Зубковга бериб юборди. Россиялик Зубков эса Сочида иккита олтин медални қўлга киритди.
«Бу жазо миллий қизиқишларимизни ҳимоя қилиш борасидаги илк қадам бўлади»,- деб Германия бобслей федерацияси президенти Андрес Траутманнинг сўзларидан иқтибос келтиради SPOX.
Таъкидлаш жоизки, Германия охирги 50 йилда илк марта Олимпиаданинг бобслей баҳсларида медаль ола билмади.
