"Реал"нинг 32 ёшли дарвозабони Икер Касильяс яна узоқ йиллар ҳозирги жамоаси шарафини ҳимоя қилиш ниятида эканини айтиб ўтди.
"40 ёшгача ўйнай оламан. Агар дарвозабон ўз ҳолатини кузатиб борса, шу ёшгача ўйнаши мумкин. Мен 40 ёшгача "Реал"да ўйнашни истардим, аммо қачондир бу имконсиз бўлиб қолади. Амалдаги шартномам якунига етгач, жамоада қоламанми-йўқми, ўйлаб кўраман", - деди Касильяс.
Эслатиб ўтамиз, у яқинда ЕЧЛдаги ўйинлари сони бўйича "Реал" рекордини ўрнатганди.