Испания чемпионати 27-туридан ўрин олган «Вальядолид» ҳамда «Барселона» жамоалари ўртасидаги учрашув якунланди. «Барселона» 0:1 ҳисобида имкониятни бой берди.

Ўйинда «Барселона»га руҳият етишмади. Жамоа учун ҳафта жуда оғир кечди. Месси, Пуйол ва Иньеста билан бўлган воқеалар жамоага жуда ёмон таъсир қилди. Биринчи бўлимда майдон эгалари жуда ақлли футбол ўйнашди ва рақибга бўш зоналарни қолдиришмади. 17-дақиқага келиб Росси ҳисобни очди. «Барселона» ҳимоясидаги палапартишликлардан кейин тўп «Ювентус» тарбияланувчиси Россига келиб тушди ва ҳужумчи ҳисобни очди. Иккинчи бўлимда «Барселона» жуда кўп ҳужум қилди. Месси қанотдан, марказдан ёриб кириб зарбалар берди, лекин бугун «Барселона»нинг куни эмасди. Жамоа яна меҳмонда имкониятни бой берди.

Испания чемпионати, 27-тур

Вальядолид – Барселона 1:0
Гол: Ф. Росси (17).
Вальядолид: Мариньо, Рукавина, Митрович, Вальенте (Састре, 59), Пенья, Руэда, Ф. Росси, Бергдиш (Рама, 72), Рубио, Герра, Манушу (О.Гонсалес, 66).
Барселона: Вальдес, Дани Алвес, Пике (С.Роберто, 72), Маскерано, Адриано, Бускетс, Хави, Фабрегас (Санчес, 61), Педро, Месси, Неймар (Тельо, 73).
Огоҳлантиришлар: Бергдиш (46), Ф. Росси (52), Пике (65), Пенья (75), Рубио (82), Састре (90).