Испания чемпионати 27-туридан ўрин олган «Реал» ҳамда «Леванте» жамоалари ўртасидаги учрашув якунланди. Анчелотти шогирдлари ҳеч қандай қийинчиликсиз ўйинда ғалабага эришишди.

11-дақиқадаёқ Криштиану бурчакдан етказиб берилган тўпни бош билан дарвозага йўллаб, ҳисобни очди. Кейинчалик жамоа катта устунлик билан ўйинни бошқарди. Иккинчи бўлим аввалида Марсело ўз қанотида фаол ҳаракат қилди ва фарқни иккитага оширди. 80-дақиқага келиб яна Марселонинг фаоллигидан кейин ҳисоб 3:0га етди. Унинг тўп узатишидан кейин ҳимоячи ўз дарвозасига гол киритиб қўйди.

Учрашув давомида "Леванте" футболчилар анчагина қўпол ўйнаганини таъкидлаш лозим. Қўполликларидан бирида Наварро майдондан четлаштирилди.

Шу тариқа «Реал» ишончли ғалабани қўлга киритди ва биринчи ўринга мустаҳкам жойлашиб олди. Анчелотти жамоаси энди "Атлетико"дан 3, "Барселона"дан эса 4 очкога ўзиб кетди.

Испания чемпионати, 27-тур

Реал Мадрид – Леванте 3:0
Голлар: Роналду (11), Марсело (49), Карабелас (81, автогол).
Реал Мадрид: Диего Лопес, Карвахаль, Варан (Начо, 69), Рамос, Марсело, Алонсо, Модрич (Иско, 74), Ди Мария, Бэйл, Бензема (Хесе, 82), Роналду.
Леванте: Навас, Винтра, Наварро, Хуанфран, Карабелас, Сиссоко, Пальярдо (Эль-Адуа, 69), С.Пинту (Нагоре, 74), П.Лопес, Барраль, Иваншиц.
Огоҳлантиришлар: Рамос (54), Ди Мария (58), Винтра (58), Пальярдо (62).
Четлатиш: Наварро (64).