"Манчестер Сити" бош мураббийи Мануэль Пеллегрини кеча Англия  кубоги чорак финали доирасида "Уиган"га қарши имконият бой берилгач (1:2), бунинг сабабларини изоҳлашга ҳаракат қилди.

"Бугун менга иккита ўйин бўлгандек туюлмоқда. Биринчиси дастлабки дақиқалардан 46-дақиқагача, яъни "Уиган" иккинчи голини урган ва биз жуда кеч уйғонган вақт. Биз жуда секин ўйинимиз билан рақибга тўлиқ 45 дақиқани совға қилиб юбордик ва улар бундай фойдаланишди.

Лига кубогини қўлга киритгач, қолаверса халқаро ўйинлардаги ғалабалардан сўнг ҳафта жуда ажойиб ўтаётганди, аммо бугунги мағлубият учун айбни тўла бўйнимизга оламиз. Биз битта совринни қўлга киритдик ва энди ЕЧЛ ва АПЛда ғолиблик учун курашни давом эттиришимиз шарт", - деди Пеллегрини.