Европа чемпионлар лигасининг лигасининг биринчи чорак финалчиси аниқланди. «Бавария» ўз майдонида «Арсенал»ни қабул қилди ва 1:1 ҳисобидаги дуранг натижага қаноат қилди.

Ўйин жуда зерикарли ўтди десак, сизни алдамаган бўламиз. «Бавария» ҳаддан ташқари хотиржамлик билан тўпни назорат қилди ва ҳеч қандай қийинчиликка дуч келамди. Биринчи бўлимда жамоаларга гол уриш насиб қилмади. Ўйиндаги ҳисобни Бастиан Швайнштайгер очди. Риберининг қанотдан уюштирган рейдидан кейин тўпни қабул қилиб олган Швайни 4 метрлардан «Арсенал» дарвозасини аниқ нишонга олди. Ҳеч қанча вақт ўтмай Лукас Подолски ҳисобни тенглаштирди. У жарима майдони ичида терма жамоадаги жамоадоши Филип Ламни номардларча туртиб юборди ва ўткир бурчакдан Нойер билан бирга-бир чиқиб борди. Юқори бурчакка йўлланган зарбани дарвозабон қайтара олмади 1:1.

Ўйин якуни арафасида ҳакам Роббенга қарши ишлатилган қўполлик учун пенальти белгилади. Нуқтага яқинлашган Мюллер гол ура олмади. Фабиански тўпни қайтарди. Шу тариқа ўйинда 1:1 ҳисобидаги дуранг натижа қайд этилди ва «Бавария» кейинги босқичга йўл олди.

Бавария – Арсенал 1:1
Голлар: Швайнштайгер (55) – Подольски (57).
Бавария: Нойер, Лам, Хави Мартинес, Данте, Алаба, Швайнштайгер, Алькантара, Роббен, Гетце (Кроос, 59), Рибери (Мюллер, 85), Манджукич.
Арсенал: Фабианьски, Санья, Мертесакер, Косьельни, Вермален, Артета (Гнабри, 77), Окслейд-Чемберлен (Фламини, 84), Касорла, Озил (Росицки, 46), Подольски, Жиру.
Огоҳлантиришлар: Данте (8), Подольски (26), Артета (29), Хави Мартинес (79), Вермален (83).
Биринчи ўйин: 2:0