Бугун “Нефтчи” қароргоҳининг анжуманлар залида жамоага янги келган футболчилар тақдимоти ва спорт формаларини топшириш муносабати билан матбуот анжумани ташкил этилди.
Анжуманда “Нефтчи” ПФК раиси Комилжон Мирзабоев, бош мураббийи Мурод Исмоилов, шунингдек, мураббийлар, футболчилар ва ОАВ ходимлари иштирок этишди.
“Нефтчи” ПФК раиси Комилжон Мирзабоев анжуманни очиб берар экан шундай деди:
“Барчани янги бошланаётган футбол мавсуми билан табриклайман. Бу йилги мавсумда “Нефтчи” жамоаси ўз олдига юқори ўринлардан бирини эгаллашни мақсад қилган. Шу мақсадда керакли ишлар олиб борилди. Жамоамиз асоси тубдан янгиланди. Жамоага янги бош мураббий тайинладик, таркибни кучайтириш мақсадида клуб трансфер сиёсатини жадаллик билан олиб бордик. Жамоага янги келиб қўшилганларларни бугун сизларга таништириш учун йиғилиб турибмиз. Улар орасида легионерлар ҳам бор. Шуни алоҳида таъкидлаш лозимки, “Нефтчи” ўз тарихига эга буюк жамоа саналади. Юқорида айтганимдек, бу йил жамоада катта ўзгаришлар содир бўлди. “Нефтчи” сафига 14 нафар янги футболчилар қабул қилинди. Жамоани етакчи футболчилар тарк этишди. Шундай бўлса-да жамоанинг мақсадлари ўзгармайди, ҳар ўйинда ғалаба қозониш”.
Шундан кейин сўз “Нефтчи” жамоаси бош мураббийи Мурод Исмоиловга берилди.
- Маросимга йиғилган барчани янги мавсум билан қутлайман. Жамоамиз бу йил совринли ўринлардан бирини эгаллашни мақсад қилган. Шу мақсадда таркибни сезиларли даражада кучайтиришга ҳаракат қилдик. Таркибга Петкович, Гвазава,Оника сингари легионерларни жалб қилдик. Бундан ташқари, сафимизга мамлакатимизнинг номдор футболчиларини ҳам қўшиб олдик. Булар қўйган мақсадимизга эришишда ўз ёрдамларини аяшмайди деган умиддаман”
Маросимнинг навбатдаги қисмида клубга келиб қўшилган янги футболчилар таништирилди ва уларга мавсум давомида ўйнайдиган рақамлар тақдим этилди.
Анжуман якунида эса клуб раҳбарияти, мураббийлар штаби ва барча футболчилар мавсум олди суратга тушишди.
Янги футболчилар мавсумни қўйидаги рақамда ўтказишади.
Сардор Қобулжонов - 1,
Жаҳонгир Жиямуродов - 4,
Александр Оника - 7,
Александр Клецков - 13,
Зоҳид Абдуллаев - 15,
Рўзимбой Аҳмедов - 22,
Игорь Петкович - 23,
Маъруф Муродов 26,
Абдуллоҳ Олимов - 28,
Руслан Мелзиддинов - 29,
Жаҳонгир Меҳмонов - 32,
Сардор Раҳмонов - 33,
Левани Гвазава - 77.
«Нефтчи» янги футболчиларни таништирди
| Баҳо: |
+ | -
|
Рукн: Янгиликлар
Манба: www.fcneftchi.uz
Киритилди: 19:26, 12.03.2014.
Ўқилди: 4770 марта.
Фикрлар: 12 та.
Ўқилди: 4770 марта.
Фикрлар: 12 та.
ЭНГ КЎП ЎҚИЛГАН ЯНГИЛИКЛАР
"Реал" келаси ёзда 4 та бомба трансферни режалаштирган [9503]
Хорватиянинг энг иқтидорли футболчиси "Реал" таклифини рад этди [4302]
Флик Ямалнинг ўрнини 16 ёшли футболчи билан ёпмоқчи [4194]
Ямал қайси ўйинларни ўтказиб юборади? [3995]
Родри Роналду ва Мессининг вориси ким бўлишини айтди [3671]
Икки суперклуб Кейн учун 130 миллион евро тўлашга тайёр [3480]
Аморим «Манчестер Юнайтед»да асосий футболчини белгилади [3061]
"Барселона" келаси ёзда кучли вингер олиб келмоқчи [3027]
Дэвис танлов қилди [3008]
"Реал Мадрид" ҳимоядаги муаммоларга муқобил ечим топди [2869]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|