Ниҳоят юртимизга футбол баҳори ҳам кириб келди. Футбол ишқибозларининг орзиқиб кутган янги футбол мавсуми бошланиш арафасида. Қаршининг “Насаф” футбол клуби ҳам ўз анъанасига содиқ қолган ҳолда янги футбол мавсуми бошланиши олдидан жамоа сафига қўшилган янги футболчиларини таништирув маросимини ўтказади.

13 март пайшанба куни “Марказий” стадиондаги матбуот анжумани залида  “Насаф” жамоаси сафига янгидан келиб қўшилган футболчиларни таништириш билан бирга клуб бош менежери – Шамил Ярулин ва жамоа бош мураббийи – Рўзиқул Бердиев катта матбуот анжумани ҳам ўтказишади. Журналистлар ушбу анжуманда клуб ва жамоага оид янгиликлардан бохабар бўлиш билан бирга ўзларининг қизиқтирган саволларига жавоблар ҳам олишлари мумкин бўлади.

Ушбу маросим якунига етгач иштирокчилар “Марказий” стадиондаги ўзгаришларни кўздан кечиришлари билан бирга футболчиларни фотосессиясини (суратга тушиш) ҳам кузатишлари мумкин.

Шундан сўнг “Насаф” жамоаси иштирокчилар ҳузурида кўргазмали машғулотини ҳам ўтказишади.

Маросим 13 март, пайшанба куни соат 15:00 да “Марказий” стадиондаги матбуот анжумани залида ўтказилади.

Тадбиримизга барча журналистларни таклиф этамиз.

“Насаф” ПФК матбуот хизмати