«Реал» ҳимоячиси Пепенинг таъкидлашича, унинг оила аъзолари футболчининг обрўси учун қайғуришмоқда.

Хабарингиз бор, Пепе қўпол ўйинчи ҳисобланади ва майдонда ҳеч кимни аяб ўтирмайди. Шунинг учун испан матбуоти унга нисбатан "қотил" лақабини беришган.

«Ўз фарзандини "қотил" деб аташларини эшитиш менинг онам учун осон эмас. Мен ҳеч қандай жиноят содир қилганим йўқ. "Хетафе" билан ўйинда менга нима бўлганини билмайман. Ҳанузгача бундай ўзимни бундай тутишга нима сабаб бўлганини тушунмайман», – дейди Пепе.

Эслатиб ўтамиз, 2009 йили бўлиб ўтган "Хетафе"га қарши ўйинда Пепе жарима майдончаси ичида Франсиско Каскерони ортидан итариб йиқитган ва ерда ётган рақибини икки марта тепган. Шунингдек, у ўзини йўқотиб қўйиб, "Хетафе"нинг бошқа футболчисига юзига урган ва майдонни тарк этаётиб захира ҳакамини калака қилган.

)