"Навбаҳор" - "Локомотив" жамоалари ўртасидаги учрашувдан кейин ҳар икки жамоа бош мураббийлари ўртасида матбуот анжумани бўлиб ўтди.

Вадим Абрамов, “Локомотив” жамоаси бош мураббийи:
“Бугун “Навбаҳор» жамоасини кўрсатган ўйини ёқди. Бундай ўйин билан жамоа кўплаб жамоаларга қийин бўлади. Гарчи ғалаба қозонган бўлсакда, учрашув давомида қатор қийинчиликларга дуч келдик. Бундан ташқари кутилган ўйинимизни кўрсата олмадик. Биринчи ўйин бўлганлиги боис натижа учун ҳаракат қилдик. Кейинги турларда мазмунли ўйинлар кўрсатамиз деган умиддаман. Хабарингиз борки, жамоа таркибини бошқа мураббий шакллантирганди. Олдимиздаги қисқа вақт оралиғида барчасини ўзгартиришни имкони бўлмайди. Яъни ўзига хос танишиш жараёни юзага келади. Қолаверса, айрим футболчиларимиз терма жамоа йиғинида ҳам иштирок этишди. Шу сабабдан айрим камчиликлардан ҳоли эмасмиз. Қолаверса, майдоннинг ҳолати ҳам ҳар икки жамоани ўзи ўйлаган ўйинларни кўрсата олишмади. Бундай ўйин мухлисларга ва журналистларга ёқмайди. Қисқаси жамоалар имкониятдан келиб чиққан ҳолда тўп суришди”.