"Бунёдкор" - "Қизилқум" учрашувидан кейинги матбуот анжуманининг иккинчи қисми “қалдирғочлар” устози билан ўтди.

- Авваламбор мавсумни ғалаба билан бошлагинмиздан хурсандман. “Қизилқум” томонидан бизга яхшигина қаршилик бўлди. Навоийликларнинг мақсади аниқ эди. Ҳимояни мустаҳкам ушлаб, қарши ҳужумдан фойдаланиш эди. Гол уриб, ўйинга яхши мослашиб олдик. Кейин эса ўз хатоимиз эвазига пенальтидан гол қўйиб юбордик. Шундан сўнг “Қизилқум” ҳимояга янада жиддий эътибор берди. Натижада уларни мудофасини ёриб ўтиш янада қийин бўлди. Иккинчи бўлимда қилинган ўзгаришлар эса ғалаба тўпи киритилишига сабаб бўлди. Футбол курашувчан спорт тури. Кимдур жароҳат олади, кимдур лат ейди. Шу боис битта таркиб ўйнайвермайди, - дейди Миржалол Қосимов.