“Андижон” ва “Пахтакор” жамоалари ўртасидаги учрашув якунига етганидан сўнг иккала жамоа мураббийлари ўртасида матубот анжумани ўтказилди. Матбуот анжуманинг дастлабки қисмида меҳмонлардан жамоа менеджери Самвел Бабаян иштирок этди.

- Аввало мухлисларни бошланган янги мавсум билан табриклайман. Буни ишқибозлар анчадан бери кутишаётганди ва футболни соғиниб қолишганди. Айниқса, андижонлик ишқибозларни айтишим мумкин. Андижонликлар футболни жуда яхши кўришади. Ўйинга келсак, майдоннинг ҳолати бемалол тўп суришга ҳалақит берди. Шунга қарамай, ўз ўйинимиз намойиш этиб вазиятларни юзага келтириб тўпни назорат қила олдик. Ўйинга мос натижа бўлди деб айта оламан. “Андижон” ҳақида илиқ фикрларни билдиришим мумкин. Жамоа биринчи лигадан чиққани боис ҳар қандай рақиб учун “чақилмас ёнғоқ” ҳисобланади. Ўйлайманки, “Андижон” жамоаси мухлисларини ҳал кўп хурсанд қила олади.

Мавсумга пухта тайёргарлик кўрдик ва хориж йиғинларида кучли рақиблар билан куч синашдик. “Пахтакор” ўз олдига ҳамиша юқори мақсадларни қўяди. Бу йилги мақсадларимиз ҳам шундай.