Испания чемпионатининг 28-турида "Барселона" ўз майдонида "Осасуна"ни қабул қилди ва бутунлай янчиб ташлади.

Ўйин бошида памплоналиклар анча ишонч билан ҳимояланишаётган эди. Аммо ўйининг 18-22-дақиқалари орасида "Барса" иккита тезкор ҳужум ташкил этди ва иккита гол урди. Натижада "Осасуна" бутунлай эсанкираб қолди. Ўйиннинг қолган дақиқалари битта дарвоза олдида кечди.

Танаффусга қадар ҳисоб 3:0га етган бўлса, иккинчи бўлимда каталонияликлар яна 4та гол уришди. Лионель Месси эса бу ўйинда "хет-трик"ка эришди.

"Барселона" бир ҳафта давомида 22 март куни бўладиган "Эл-классико"га тайёргарлик кўради. "Реал" эса ҳафта ўртасида "Шальке" билан ЕЧЛ баҳсини ўтказади. "Классико" "Сантяьго Бернабеу"да бўлиб ўтади.

Испания Ла-лигаси, 28-тур
Барселона – Осасуна 7:0 (3:0)
Голлар: 1:0 – 18 Месси, 2:0 – 22 Санчес, 3:0 – 34 Иньеста, 4:0 – 63 Месси, 5:0 – 78 Тельо, 6:0 – 88 Месси, 7:0 – 90 Педро.
Барселона – Вальдес, Дани Алвес, Бартра, Маскерано (Адриано, 82), Альба, Бускетс, Хави (А.Сонг, 61), Иньеста, Санчес (Тельо, 77), Месси, Педро.
Осасуна – А.Фернандес, Ойер, Лотье, Аррибас, Дамиа, Лоэ, Сильва, Сехудо, Р.Торрес (Пуньяль, 69), Арментерос (Лобато, 61), Риера (Акунья, 84).
Огоҳлантиришлар: Аррибас (48), Маскерано (58), Сехудо (82).