"Олмалиқ" ва "Металлург" жамоалари ўртасидаги учрашувдан сўнг ҳар иккала жамоа бош мураббийлари иштирокида матбуот анжумани ўтказилди. Унинг иккинчи қисмида Игорь Шквирин ОАВ вакиллари саволларига жавоб берди.

Игорь Шквирин, «Олмалиқ» бош мураббийи:
«Бугун ўйиндан қониқмадим, футболчилар ҳам шу фикрда бўлса керак. Рақиб жуда яхши ўйин намойиш этди. Агар шундай ўйнашда давом этса, жамоа юқори ўринлар учун кураша олиши мумкин. Бу жамоа ўйинларини Туркияда ҳам кузатгандик. Биз эса негадир бугун сўнгги уч ойдаги энг ёмон ўйинимизни ўтказдик. Бунга нима сабаб бўлди, янги стадион очилишидаги ҳаяжонми ёки ўйинга тайёргарликда кўп эътибор қаратилганими. Буни асаблар жойига келганидан сўнг, аниқлашга ҳаракат қиламиз. Кеча шу стадионда ўтган машғулотдан футболчиларни деярли ҳайдаб чиқаргандик. Балки шу ҳаяжон бугун уларга халал бергандир».