ЦСКА раҳбарияти ҳамон УЕФАдан ЕЧЛнинг гуруҳ босқичи сўнгги туридаги "Виктория Пльзень"га қарши ўйин якунлари бўйича чиқарилган қарор ҳақида расмий огоҳлантириш олгани йўқ.

Эслатиб ўтамиз, мухлисларнинг ирқчиликка йўғрилган ҳаракатлари сабаб ЦСКА УЕФА байроғи остидаги навбатдаги ўйинни томошабинларсиз ўтказишга ҳукм қилинганди. Шунингдек, ўша ўйинда қизил карточка олган Понтус Вернблум ва Алан Загоев уч ўйинга дисквалификация қилинган.

"Биз ҳалигача УЕФАдан расмий хабар олмадик. Шу боис апелляция бериш ҳақида гапиришга ҳали эрта", - деди клуб матбуот хизмати ИТАР-ТАСС ахборот агентлиги билан суҳбатда.