Мадриднинг "Реал" клуби ҳимоячиси Серхио Рамос жамоа дарвозабони Икер Касильс ҳақидаги фикрлари билан ўртоқлашди.

"Икер - ҳам "Реал"да, ҳам терма жамоада ҳақиқий сардор. Мен ҳам иккинчи сардорман ва барча ўз вазифасини яхши уддаламоқда. Мен ҳақиқий лидер бўлган сардорларни кўрганман, шу билан бирга бунинг аксини ҳам. Касильяс - ҳақиқий лидер", - деди Рамос.

Ҳимоячи жамоа аъзоларининг мухлислар билан муносабатлари ҳақида эса шундай деди: "Ҳозир биз ўтган мавсумда йўқотиб қўйганимиз мухлислар меҳрини ҳис этяпмиз. Ўшанда худди мухлислар икки лагерга ажралишгандек туюлганди. Бунинг сабаблари барчамизга маълум, шундай экан доим қандай бўлган бўлсак, шундайлигимизга қоламиз".