Англия чемпионатида 31-турнинг яна бир ўйини якунланди. «Челси» ўз майдонида «Арсенал»ни қабул қилди ва 6:0 ҳисобида ғалаба қозонди.

Ўйиннинг 7-дақиқасидаёқ амалда ўйин тақдири ҳал бўлганди. Моуриньо шогирдларининг 5 ва 7-дақиқасида икки ҳужум ташкил этишди ҳамда  Это′О ва Шюррленинг голлари эвазига 2:0 ҳисобида олдинга чиқиб олишди. 

Боз устига, 16-дақиқада Окслейд-Чемберлен дарвозага кириб кетаётган тўпни қўли билан қайтарди. Аммо ҳакам унга эмас, Гиббсга қизил карточка берди. Ҳакам ўша пайтда футболчиларни ажрата олмай қолди. Лекин бунинг катта аҳамияти йўқ эди, барибир "Арсенал" майдонда бир киши кам бўлиб қоларди. Пенальтини Эден Азар аниқ бажариб, ҳисоб 3:0га етказди.

Биринчи бўлим тугаши арафасида Оскар ҳисоб 4:0га етказган бўлса, иккинчи бўлим ўрталарида ҳисобни янада йириклаштиришди. Захирадан майдонга тушган Муҳаммад Салоҳ ҳам бу кеча майдонни голсиз тарк этмади. 6:0!

Челси – Арсенал 6:0
Голлар: 1:0 – 5 Это′О, 2:0 – 7 Шюррле, 3:0 – 17, пенальти Э. Азар, 4:0 – 42 Оскар, 5:0 – 66 Оскар, 6:0 – 71 Салах.
Челси: Чех, Иванович, Терри, Кэйхилл, Аспиликуэта, Матич, Давид Луиз (Оби Микел, 72), Шюррле, Оскар (Салах, 67), Э. Азар, Это′О (Торрес, 10).
Арсенал: Шченсны, Санья, Косьельни (Дженкинсон, 46), Мертесакер, Гиббс, Окслейд-Чемберлен (Фламини, 46), Артета, Росицки, Касорла, Подольски (Вермален, 24), Жиру.
Огоҳлантиришлар: Росицки (52).
Четлатиш: Гиббс (15).