Робин ван Перси жароҳати боис майонга туша олмаган баҳсда Уэйн Руни 2та гол уриб, жамоасига "Вест Хэм" устидан ғалаба қозонишида катта ҳисса қўшди.
Ҳар иккала гол биринчи бўлимда киритилди. Ўйиннинг 8-дақиқасида Уэйн Руни "Вест Хэм" дарвозабони олдинга чиқиб кетганини кўрди ва майдон марказидан тўпни дарвозабон устида ўтказди ҳамда дарвозани ишғол қилди. Жуда ҳам чиройли гол юзага келди. 33-дақиқада эса "Юнайтед" тезкор қарши ҳужумга ўтди ва Эшли Янг ўнг қанотдан тўпни дарвозабон майдончасига узатди. Ҳимоячи тўпни қайтарди, аммо қайтган тўп Рунига тегиб, дарвоза тўрига бориб тушди. Рунининг ўзи ҳам билмай қолди гол муаллифига айланганини.
Иккинчи бўлимда "Манчестер Юнайтед" вазиятни хотиржамлик билан назорат қилди ва 3 очкони ўз ҳисобига ёзиб қўйди.
25 март куни "Манчестер Юнайтед" ва "Манчестер Сити" жамоалари ўртасида АПЛнинг қолдирилган 28-тур ўйини бўлиб ўтади.
Вест Хэм – Манчестер Юнайтед 0:2 (0:2, 0:0)
Голлар: 0:1 – 8 Руни, 0:2 – 33 Руни.
Вест Хэм – Адриан, Демель, Коллинз, Томкинс, Маккартни, Диаме (Жарвис, 58), Тэйлор (Ночерино, 83), Нолан (К. Коул, 72), Нобл, Даунинг, Кэрролл.
Манчестер Юнайтед – Де Хеа, Феллайни, Бюттнер, Жонс, Рафаэл, Флетчер, Кэррик, Эшли Янг, Кагава, Мата (Уэлбек, 78), Руни (Х. Эрнандес, 77).
Огоҳлантиришлар: Рафаэл (11), Коллинз (34), Тэйлор (39).