"Ливерпуль" бош мураббийи Брендан Роджерс ўз шогирдларининг навбатдаги ўйиндаги самарадорлиги учун мақтади. "Мерсисайдликлар" "Кардифф Сити" билан бўлган 31-тур ўйинида 6:3 ҳисобида ғалаба қозонишди. Луарес "хет-трик"ка, Мартин Шкртел эса "дубл"га эришди. Яна бир гол эса Старриж ҳисобига ёзилди.

"Биз жуда яхши ўйндик. Ажойиб голлар урдик, совуққонлик ва юқори концентрация билан ўйнадик. Биз бор эътиборимизни ўйинга қаратдик, айниқса, ҳисобда ортда бораётган пайтимизда. Икки марта ҳисобда ортда бораётганимизда ҳам тушкунликка тушмадик. Иккинчи бўлимда эса ўз ўйинимизни намойиш қила олдик. Ҳужумда бизни тўхтатиб қолиш қийин эди, биз 6та гол урдик. Энг яхши жамоалар ҳам гол ўтказиб туришади. Биринчи бўлимда биз ўз дарвозамиз олдига қайтдик, натижада рақиб майдон марказида бўш ҳудудга эга бўлди. Ўйлайманки, "Ливерпуль" ўйинини кузатиб бораётганлар жамоамизнинг ҳужумкор ўйинини эътироф этишади. Мен жамоам билан фахрланаман. Биз сафарда кетма-кет 4та ўйинда ғалаба қозондик. Мен фақат ўз ўйинчиларимдан хурсанд бўлишим мумкин. Аммо унутмаслик керакки, кейинги ўйин жуда қийин ўтиши кутилмоқда", дейди Роджерс.

"Ливерпуль" кейинги ўйинни "Тоттенхэм"га қарши ўтказади.