Бугун бўлиб ўтган “Машъал” – “Бунёдкор” (0:2) учрашувидан сўнг матбуот анжуманининг иккинчи қисмида меҳмонлар ёрдамчи мураббийи Мурод Отажонов иштирок этди.

“Миржалол Қўшоқович бугунги матбуот анжуманида иштирок эта олмагани учун узр сўради. Маълум сабабларга кўра Миржалол Қосимов ташриф буюра олмади. Майдон, об-ҳавони шу ердагилар кўрди. Жуда ҳам оғир ўйин бўлди. Икки жамоа ҳам фақат натижа учун ўйнагани кўриниб қолди. Чиройли ўйин бўлмади ва бундай майдонда ўхшамас эди ҳам. Шахсан бизнинг жамоа фақат натижа учун ўйнади. Ғалабадан хурсандмиз. Жамоамизни чиройли ўйинларини кейинги  баҳсларда кўрсатамиз. Одатда ўйинни чиройи қолиб кетади ва фақат натижа қолади. Ҳозир минг чиройли ўйин кўрсатсак ҳам, биздан натижа нима бўлди деб сўрайди.  Иккинчи бўлимда иккита гол урдик ва танаффусда футболчиларга жарима майдони ичига киргандан сўнг зарба бериш ва тўпни олиб туриш вазифаси қўйилди. Комбинация қилишга ҳарaкат қилдик, лекин ўхшамади. “Машъал” ҳамма жамоа билан шундай ўйин кўрсатса, ижобий натижага бемалол эриша олади. “ – дейди Мурод Отажонов