"Реал" ҳимоячиси Серхио Рамос фикрича, "Барселона" ҳамон кучли жамоа, аммо ҳозир каталонияликлар рақиблар учун қўрқинчли эмас.

"Кўпчилик "Барса"нинг инқирози ҳақида гапирмоқда. Аммо улар Қирол кубоги финалига чиқишган, Чемпионлар лигасининг чорак финалида иштирок этишади, Ла лигада эса пешқадамдан 4 очко ортда келишмоқда. Фақат бир нарса ўзгарган. Бошқалар улардан қўрқмай қўйишди. "Барса" билан ўйиндаги ғалаба билан учун Ла Лига ғолиблигини қўлга киритишда муҳим аҳамиятга эга бўлади. Классико - алоҳида ўйин. Бу жаҳон даражасидаги, тарихий тўқнашув.

"Барселона" ажойиб мавсумни ўтказмоқда. Балки бу нарса барчага ҳам сезилмаётгандир, боиси одамлар яхши нарсаларга тез кўникишади. Лекин Ла Лига жадвалининг юқори қисмида 3та жамоа деярли бир хил очко тўплаган ҳолда ғолиблик учун кураш олиб бораётгани ноодатий ҳолат.

Ҳозир мен жуда яхши формадаман ва ўз ҳолатимни мавсум охирига қадар сақлаб қолишни истайман. Мавсум бошида бизнинг у қадар кучли эмасди. Ҳозир эса "Реал" барқарор ва юқори савияда ўйнамоқда. Биз ушбу савияни мавсум охирига қадар пасайтириб юбормасликка ҳаракат қиламиз. Босқичма-босқич ривожланиб келдик ва энди барчаси ўзимизнинг қўлимизда. Ҳеч кимга қарам эмасмиз", дейди Рамос.