Грузия пойтахти Тбилиси шаҳрида дзюдо кураши бўйича ўтказилган Гран-При турнири ниҳоясига етди. Дунёнинг 24 давлати вакиллари иштирокида бўлиб ўтган мазкур мусобақада уч нафар ёш спортчимиз иштирок этди.
Ҳамюртларимиз орасида фақатгина Камолиддин Холматов (-90 кг) совринли ўринлардан бирини қўлга киритишга яқин келди. Саралаш баҳсларида БАА ва Озарбойжон спортчилари устидан муваффақиятга эришган юртдошимиз, бронза медали учун курашда украиналик Вадим Синявскийга имкониятни бой берди.
Ушбу мусобақада иштирок этган ҳамюртларимиздан Гулноза Матниёзова (-70 кг) ўз вазн тоифасида еттинчи ўринни банд этган бўлса, Ғиёсжон Бобоев (-73 кг) дастлабки беллашувда туркманистонлик Арслон Нурмуҳамедовни енгиб, иккинчи даврада Виктор Сквортов (БАА) га имкониятни бой берди.
