"Олмалиқ" ўз тарихида илк маротаба "Бунёдкор" билан Тошкентдаги ўйиндаги очко билан қайтадиган бўлишди.
Игорь Шквирин ушбу мавсумда амбицияли жамоани шакллантираётгани ўйин бошиданоқ маълум бўлди. Жамоа аниқ бир услубда — "ерда" футбол ўйнади. Бунга эса "Жар" майдонининг майсаси ҳам имкон берди. Биринчи бўлимда олмалиқликлар ҳимояга ётиб олмасдан, комбинацион ва ҳужумкор ўйин орқали мезбонлар анча шошириб қўйишди. Ўйиннинг ҳал қилувчи вазиятлар эса иккинчи бўлимда содир бўлди.
Ўйиннинг 54-дақиқасида қантдан етказилган тўпни кўкраги билан қайтариб, дарвозабон билан бирга-бир вазиятда зарба беришга чоғланаётган Зафар Полвоновни "Бунёдкор" сардори Хайрулла Каримов қўли билан тортиб қийитди. Учрашув бош ҳаками Владислав Цейтлин пенальти белгилашга белгилади, аммо у Каримовга сариқ карточка бермади. Ушбу вазиятдан бир дақиқа аввал Хайрулла дастлабки огоҳлантиришини олганди ("Олмалиқ"нинг тезкор ҳужумини тўхтатгани учун).
Пенальтини Зафар Полвоновнинг ўзи бажарди. Аммо тўп аввал Акбар Тўраевнинг қўлига, кейин дарвоза устунига тегиб қайтди. Тўпга барчадан аввал етиб келган Александр Алимпиевич бош билан дарвозанинг бўш қолган қисмини ишғол қилди.
Ўйиннинг 68-дақиқасида Воҳид Шодиев 99 фоизли имкониятдан фойдалана олмади. Сардор Рашидов чап қанотдан тўпни дарвозабон майдончасига етказди ва тўп ҳимоячининг оғидан рекошет ҳолатида Шодиевга келиб тушди. Воҳид эса дарвозанинг бўш қолган қисмига тўпни аниқ йўллай олмади.
Ўйиннинг 78-дақиқасида мезбонлар бурчак тўпидан сўнг ҳисобни тенглаштиришганди, бироқ қанот ҳаками Воҳид Шодиев тўп қўлининг қўлидан дарвозага кириб кетганини кўра олди ва ўз вақтида байроғини кўтарди. Орадан кўп вақт ўтмасдан, "қалдирғочлар" барибир ҳисобни тенглаштиришди. Чап қанотдан етказиб берилган узатмадан кейин тўп Зотеевга келиб тушди. Олег тўпни тўхтатмасдан зарба йўллаш ҳақидаги қарорга келиб, тўғри йўл тутди. Шомуродов дарвоза бурчагига кираётган тўпни қайтара олмади.
Ўйин тугаши арафасида Рашидов томонидан чап қанотдан узатилган тўпни Шодиев дарвоза томон бурди. Туркманистонлик дарвозабон эса тўпни муштлари билан майдон ташқарисиги чиқариб юборди.
"Олмалиқ" иккинчи бўлимга қўшиб берилган дақиқаларда гол уришга муваффақ бўлди. Дилявер Абибуллаев 16 метрлардан зарба йўллаб, дарвозани ишғол қилди. Аммо қанот ҳаками офсайдни қайд этди.
Учинчи турдан кейин ҳар иккала мағлубиятсиз ўйинларини давом эттирадиган бўлишди. Энди улар ҳисобида 7тадан очко мавжуд.
Бунёдкор – Олмалиқ - 1:1 (0:0)
Голлар: Олег Зотеев (82) — Александр Алимпиевич (55)
Ноаниқ пенальти: Зафар Полвонов (55, дарвоза устуни)
Огоҳлантиришлар: Олег Зотеев (24), Хайрулла Каримов (53), Воҳид Шодиев (70) — Санжар Шоаҳмедов (39), Зуаги Шакир (52), Зоҳир Пиримов (87)
"Бунёдкор": Акбар Тўраев, Акмал Шораҳмедов, Хайрулла Каримов, Анвар Ғофуров, Жавлон Иброҳимов (Дилшод Жўраев 46), Анвар Бердиев, Воҳид Шодиев, Ислом Иномов, Баҳодир Пардаев, Сардор Собирхўжаев (Александр Пишур 75), Олег Зотеев
"Олмалиқ": Мақсатмурод Шомуродов, Шавкат Муллажонов, Абдуқаҳҳор Ҳожиакбаров, Азамат Исроилов (Зохир Пиримов 77), Зуаги Шакир, Зафар Полвонов (Шерзод Ҳакимов 86), Санжар Шоаҳмедов, Обид Жўрабоев, Дарко Станоевич, Александр Алимпиевич, Диёржон Туропов (Дилявер Абибуллаев 80)
Бош ҳакам: Владислав Цейтлин
