Учрашув якунлангач ўтказилган матбуот анжуманида дастлаб “Нефтчи” жамоаси бош мураббийи Мурод Исмоилов журналистарнинг саволларига жавоб қайтарди: “Дерби ўйинлари ҳар доимгидек кескин ва муросасиз руҳда кечади. Бугун ҳам бундан мустасно бўлмади. Стандарт вазиятларда хатога йўл қўйишимиз оқибатида, олдинги турларда мағлубиятларга учрагандик. Бугун ҳам айнан стандарт ҳолат голга олиб келди. Шукурки, стандартдан ўзимиз ҳам самарали фойдаланиб, дуранг қайд этишни уддасидан чиқдик. Қандай ҳолат бўлишидан қатъий назар, очко олишимиз шарт эди. Хатолар бўлди. Лекин, футболчилар борларини бериб ўйнашди. Дуранг қайд этганимиздан хурсандмиз. “Навбаҳор” учрашувда чиройли ўйин кўрсатди. Ашурматовни Наманганда яхшигина жамоани шакллантирганлигига бугун ҳам гувоҳ бўлдик. Ҳалол ўйини қоидасига амал қилиш борасида тўхталадиган бўлсак, битта вазиятда Рўзим Аҳмедов кўрсатмаларимизни эшитмай қолди. Қолган вазиятларда футболчиларимиз тўпни рақибга беришди. Қолган ҳолатларда ўйинчиларимизни қўпол ўйнашди демаган бўлардим. Футболда мана шунақа кескинликлар ҳам кузатилади”.