"Ювентус" бош мураббийи Антонио Конте кеча "Наполи"га имконият бой берилган ўйиндан сўнг (0:2), аввалроқ неаполликлар бош мураббийи томонидан билдирилган фикрга муносабат билдирди. Рафаэль Бенитес ўйин олдидан "Ювентус"ни фаворит деб ҳисоблаб, бунга унинг юқори бюджетини сабаб қилиб кўрсатганди.
"Биз ғалаба учун қурилган жамоа билан учрашдик, турнирнинг шунчаки бир иштирокчиси билан эмас. Трансферлар учун 100 миллион евро сарфлашяпти? Лекин биласизми, энг муҳими молиявий харажатлар эмас. Бу борада 500 миллион евро ҳам сарф этиш мумкин, бироқ айнан жамоага қанча инвестиция қилингани муҳимдир. "Наполи" бир йилда "Ювентус" уч йил давомида сарфлагандан ҳам кўпроқ маблағ ишлатди.
Биз трансферлар учун 25 миллион евро ишлатдик, аммо ҳаражатларни Жаккерини каби ўйинчиларни сотиш билан қопладик. Умид қиламанки, Бенитес бу мунозарани тўхтатади ва ўз жамоасининг молиявий ҳисоб-китобини текшириб кўради. Чунки ҳақиқатни гапириш керак, сафсата сотиш эмас", - деди Конте.