"Барселона" яримҳимоячиси Хави ЕЧЛнинг чорак финалида "Атлетико"га қарши ўйинлар олдидан ўз фикрларини билдириб ўтди.

"ЕЧЛда испан клубларига қарши ўйнашни истамайман, чунки биз бир-биримизни яхши биламиз. "Атлетико" - қийин рақиб, жамоа яхши ҳимояланади ва хавфли ҳужумлар уюштира олади.

Ушбу ўйинларда голли вазиятлар кам бўлади. Асосийси ўйинга танланадиган тактикадир. "Атлетико" билан баҳсларда бизга доим осон бўлмаган. Улар зоналарни ёпиб қўйишади ва яхши ҳужумлар уюштирадилар.

Энг асосийси - ўз уйимизда гол ўтказиб юбормаслик. Тез-тез ўйин қоидасини бузиб туриш ҳам уларга бурчак тўпи тепиш имконини бериш ярамайди, зеро рақиб стандарт вазиятларда ўта хавфли. Диего Коста юқори спорт формасида ва йўқ жойдан гол уриб кетиши мумкин", - деди Хави.