Мавсум қолган қисмидаги мураккаб тақвим ҳам "Атлетико"ни чемпионлик йўлидаги юришида асло халал бера олмайди. Ўтган турда "Атлетик" (Бильбао)ни мағлуб этган мадридликлар, бугун жадвалда 7-ўринда бораётган "Вильярреал"ни ҳам таслим қилишди.

Ўйиндаги ягона гол 14-дақиқада киритилди. Диего (Коста эмас, у жароҳат боис ўйин қайдномасига киритилмади) бурчак тўпини дарвозабон майдончасига етказиб берди. Рауль Гарсия дарвозабонга нисбатан илдамроқ ҳаракат қилди ва бош билан даврозани ишғол қилди.

Биринчи бўлимда устунлик мезбонлар томонида бўлди. Масалан, 25-дақиқада яна бурчак тўпидан кейин яна Гарсия бош билан зарба берди. Бу сафар Асенхо қийинчилик билан хавфни бартараф этди.

"Сув ости кемаси" вакиллари эса ўзлари яратган 3-4та вазиятни голга айлантира олишмади. Бугун улар мағлубиятга муносиб эмасдилар. Аммо 3 очко "Атлетико"га насиб этди ва Симеоне шогирдлари жадвални бошқаришда давом этишади.

Испания Ла лигаси, 32-тур
"Атлетико" – "Вильярреал" - 1:0 (1:0)
Гол: 1:0 – 14 Р.Гарсия.
"Атлетико": Куртуа, Хуанфран, Алдервейрелд, Годин, Филипе Луис, М. Суарес, Коке, Диего (Соса, 70), К. Родригес (Тиагу, 57), Р. Гарсия, Вилья (Адриан, 62).
"Вильярреал": Асенхо, Марио, Габриэл, Пантич, Йокич, Пина, Б.Сориано, Тригерос (Х. Перейра, 69), Кани, Роман (Акино, 64), Пербе.
Огоҳлантиришлар: Габриэл (42), Коке (67), Р. Гарсия (69), М.Суарес (80).