«Реал» бош мураббий Карло Анчелотти билан ҳамкорликни тўхтатса, «Эвертон» бош мураббийи Роберто Мартинес номзодини кўриб чиқиши мумкин.
Агар "Мадрид" ҳам Чемпионлар лигаси, ҳам Испания чемпионатида ғолиб чиқа олмаса, 54 ёшли италиялик мутахассис истеъфога чиқарилади, дейилади Daily Mail тарқатган хабарда. Бундай ҳолатда «Реал» Мартинес билан шартнома имзолашга ҳаракат қилиб кўради.
Аввалроқ, 40 ёшли испаниялик мутахассис хизматларига «Арсенал» ҳам қизиқиш билдирганди, агар Арсен Венгер «канонирлар» билан шартномани узайтиришни истамаса.
Эслатиб ўтамиз, куни кеча «Эвертон» «Арсенал»ни йирик 3:0 ҳисобида мағлуб этди.