"Тоттенхэм" раҳбарияти мавсум якунланганидан кейин бош мураббий Тим Шервуд билан хайрлашишга қарор қилди. Бу ҳақда Goal.com хабар тарқатди.
2013 йилнинг декабрь ойида Андре Виллаш-Боашнинг ўрнини эгаллаган Шервуд, "шпорлар" билан 2015 йилга қадар шартнома имзолаганди. "Тоттенхэм" 45 ёшли мутахассис қўлостида жами 20та ўйин ўтказиб, 9та ўйинда ғалаба қозонда, 3та баҳс дуранг билан тугади ва 8та ўйинда ютқазди.
Аввалроқ, Руд Гуллит баёнот бериб, "Тоттенхэм"ни ЖЧ-2014дан кейин Голландия терма жамоасидан кетадиган Луи ван Гал эгаллашини айтиб ўтганди. Шунингдек, ОАВ "Саутгемптон" бош мураббийи Маурисио Почеттинони "Тоттенхэм" билан боғламоқда.
Эслатиб ўтамиз, Англия чемпионатининг 32-туридан кейин лондонликлар 56 очко билан 7-ўринда боришмоқда. Улар 33-турни "Сандерленд"га қарши ўтказишади.